माळी यांच्या पुस्तकाचे ३१ मे रोजी प्रकाशन
मुंबई, ता. २८ : वर्ल्ड पीस अ‍ॅम्बेसेडर तथा लेखक डॉ. संग्रामसिंह माळी यांच्या ‘द वर्ल्ड इज माय कंट्री’ या पुस्तकाचे ३१ मे रोजी प्रकाशन होणार आहे. जागतिक पातळीवर मानवतवाद आणि आध्यात्मिक दीपस्तंभावर आधारित हे पुस्तक ब्ल्यूरोज पब्लिशर्समार्फत प्रकाशित करण्यात येणार आहे. काही दिवसांपूर्वी अभिनेता शाहरुख खान यांच्या हस्ते या पुस्तकाचा प्री-लॉन्च सोहळा पार पडला होता. या पुस्तकाबाबत डॉ. माळी म्हणाले, मी वाचकांना देशाच्या सीमा आणि पूर्वग्रहांच्या पलीकडे पाहण्याचे आवाहन करतो. प्रत्येक आत्म्याचे रूपांतर हे जगाच्या सामूहिक ऊर्जेला योगदान देते, असा माझा विश्वास आहे.