सुनीता फाटक यांचे निधन
डोंबिवली, ता. ३० : डोंबिवलीतील सर्वेश सभागृहाच्या संचालिका सुनीता फाटक यांचे गुरुवारी (ता. २९) प्रदीर्घ आजाराने वयाच्या ७७व्या वर्षी निधन झाले. त्यांच्या पश्चात ज्येष्ठ वास्तुविशारद जयंत फाटक, मुलगी लीना गद्रे, जावई राजन गद्रे असा परिवार आहे.
मागील काही महिन्यांपासून त्या आजारामुळे बिछान्याला खिळून होत्या. १९८८ पासून सुनीता फाटक सर्वेश सभागृहाचा कारभार पाहत होत्या, तसेच सीता वल्लभ सामाजिक संस्था चालवत होत्या. या संस्थेच्या माध्यमातून त्यांनी मागील अनेक वर्षांत गोरगरीब, गरजूंना आर्थिक मदत केली आहे. दुर्गम भागातील विद्यार्थ्यांच्या शालेय शिक्षणासाठीही त्यांनी साहाय्य केले आहे.