भिवंडी (वार्ताहर)ः इंदिरा गांधी स्मृती शासकीय उपजिल्हा रुग्णालयात मुख्य वैद्यकीय अधीक्षिका डॉ. माधवी पंदारे यांच्या मार्गदर्शनाखाली जागतिक तंबाखूविरोधी दिनानिमित्त जनजागृती करण्यात आली. या वेळी दंतशल्य चिकित्सक डॉ. जिनल रोकडे, वैद्यकीय अधिकारी डॉ. मनोज मेडकर, सहाय्यक अधिसेविका हेमलता जाधव यांच्यासह रुग्णालयातील परिचारिका, अधिकारी, कर्मचारी उपस्थित होते. यानिमित्ताने प्रभातफेरी, बिडी-सिगारेटच्या पाकिटांचे प्रतीकात्मक दहन, तंबाखू व्यसनमुक्ती समुपदेशन तसेच राष्ट्रीय तंबाखूविरोधी शपथ घेण्यात आली. शहरातील म्हाडा कॉलनी येथे कॅन्सर तपासणी व्हॅनमध्ये अनेकांची तपासणी करण्यात आली.