भिवंडी, ता. २ (वार्ताहर)ः वक्फ म्हणजे दान आहे. एकदा केलेले दान परत घेता येत नाही. सरकार या कायद्यात सुधारणा करून धर्मासाठी दान दिलेल्या जमिनी ताब्यात घेऊन विकणार असल्याचे प्रतिपादन माजी मंत्री आमदार जितेंद्र आव्हाड यांनी केले आहे. भिवंडीतील शांतिनगर येथील मैदानात मुस्लिम पर्सनल लॉ बोर्ड भिवंडी शाखेच्या वतीने झालेल्या तहफ्फूज-ए-अवकाफ परिषदेमध्ये ते बोलत होते.
वक्फचा साधा अर्थ आहे दान. धर्मासाठी दान केलेली जमीन सरकारने ताब्यात घेऊन विकणे भारतीय संविधानाच्या विरोधात आहे. दान सर्व धर्मांमध्ये होते. हिंदूंमध्येसुद्धा होते. दान केलेली वस्तू ही त्या धर्माची असते. मुस्लिमांवर आज संकट आले आहे. उद्या इतर धर्मावर येणार आहे. बिहारमधील बोधगया येथील बुद्धविहार तेथे तोच प्रकार सुरू आहे. एखाद्याने धर्मासाठी दान केलेल्या जमिनीचा वापर धर्मासाठी होत आहे का यावर सरकारने लक्ष ठेवले पाहिजे, त्याचा गैरवापर झाला, तर त्याला तुरुंगात टाका, असे मत जितेंद्र आव्हाड यांनी व्यक्त केले. तहफ्फूज-ए-अवकाफ कमिटी महाराष्ट्र प्रमुख मौलाना महमूद अहमद खान यांच्या अध्यक्षतेखाली सभेला त्यांनी संबोधित केले. या वेळी मुस्लिम पर्सनल लॉ बोर्डाचे राष्ट्रीय प्रवक्ता डॉ. सय्यद कासिम रसूल इलियास, खासदार सुरेश म्हात्रे, मालेगाव आमदार मुफ्ती इस्माईल कासमी, भिवंडी पूर्व आमदार रईस शेख, आमदार अमीन पटेल, मौलाना जहीर अब्बास रिजवी, मौलाना अब्दुल जब्बार महीरुल कादरी उपस्थित होते.
-----------------------------------------------------------------
समाज जागृत होणे गरजेचे
संयुक्त संसदीय समितीमध्ये वक्फ विधेयकाविरोधात भूमिका मांडली होती. या विधेयकाच्या विरोधात आहोत आणि पुढेही राहू, देशात सर्व जाती-धर्माचे लोक राहतात. त्यामध्ये शासनकर्त्यांनी हस्तक्षेप करू नये, असे प्रतिपादन खासदार सुरेश म्हात्रे यांनी केले, तर सर्वोच्च न्यायालयाचा आम्ही आदर करतो. आमच्या भावनांचा आदर करून न्याय नक्की मिळेल, पण त्यासाठी समाजसुद्धा जागृत होणे गरजेचे आहे, असे सांगत उर्दू भाषेतील बाबासाहेब आंबेडकर यांचे संविधान घराघरात वाचले गेले पाहिजे, असे प्रतिपादन आमदार रईस शेख यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.