रसायनाचा टँकर
खोपटेनजीक उलटला
उरण, ता. ८ (वार्ताहर) ः रस्त्याच्या साइडपट्टी खचल्याने रसायनाने भरलेला टँकर शनिवारी (ता. ७) सकाळच्या सुमारास खोपटे गावाजवळ उलटला. या घटनेत जीवितहानी झाली नसली, तरी रसायनाची गळती झाली असती तर मोठा अनर्थ झाला असता. दरम्यान, या अपघातामुळे खोपटे गावची पाण्याची पाइपलाइन फुटली आहे. जलजीवन योजनेतून खोपटे बांधपाडा गावासाठी पाइपलाइनचे काम करण्यात आले. त्यानंतर केवळ माती टाकण्यात आल्याने साइडपट्टी भुसभुशीत झाली आहे. त्यावरून अवजड वाहन गेल्यामुळे अपघात झाला आहे. त्यामुळे प्रशासनाने साइडपट्ट्यांचे मजबुतीकरण करावे, अशी मागणी करण्यात येत आहे.