आयुक्तांचा विजयनगरात पाहणी दौरा
कल्याण, ता. १४ (बातमीदार) : विजयनगर, आमराई प्रभागात विविध विकासकामे प्रलंबित आहेत. कल्याण-डोंबिवली महानगरपालिका आयुक्त अभिनव गोयल यांनी शुक्रवारी (ता. १३) या प्रभागात पाहणी दौरा केला.
आमराई, विजयनगर परिसरातील रस्ते, नाले, पथदिवे, पाणीपुरवठा, कचरा व्यवस्थापन, गटारे अशा अनेक कामांची प्रत्यक्ष पाहणी आयुक्तांनी या दौऱ्यात केली. अपूर्ण नालेसफाई व प्रलंबित कामांबाबत सविस्तर आढावा घेत आयुक्त गोयल यांनी संबंधित अधिकाऱ्यांना विकासकामे तातडीने युद्धपातळीवर पूर्ण करण्याचे स्पष्ट निर्देश दिले. तसेच, आतापर्यंत पूर्ण झालेल्या कामांची माहिती अहवालाद्वारे सादर करावी, अशाही सूचना त्यांनी अधिकाऱ्यांना दिल्या आहेत.
नागरिकांच्या मागण्या आणि परिसरातील समस्या लक्षात घेऊन महापालिकेच्या पातळीवर त्वरित कृती केली जाणार असल्याचेही त्यांनी या वेळी सांगितले. या पाहणीदरम्यान महापालिकेच्या संबंधित विभागांचे अधिकारी, स्थानिक माजी नगरसेविका माधुरी काळे व शिवसेना कल्याण पूर्व विधानसभा क्षेत्रप्रमुख प्रशांत काळेदेखील उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.