नवीन पनवेल, ता. २२ (बातमीदार) : पनवेल रायडर्सतर्फे शहरातून प्रथमच पनवेल ते पंढरपूर सायकल वारी काढण्यात आली. माजी खासदार रामशेठ ठाकूर यांच्या हस्ते भगवा झेंडा दाखवून या सायकल रॅलीचा शुभारंभ झाला. ‘सायकल चालवा, पर्यावरण वाचवा’ असा संदेश देत २० ते २२ जून या कालावधीत ही वारी पूर्ण होणार आहे. या अनोख्या उपक्रमामुळे पर्यावरण संवर्धनाचा संदेश अधिक प्रभावीपणे लोकांपर्यंत पोहोचणार आहे. या वेळी माजी नगरसेवक गणेश कडू यांच्यासह पनवेल रायडर्सचे सदस्य उपस्थित होते. आपल्या आरोग्याची काळजी घेत सुरक्षित प्रवास करा. पर्यावरण संवर्धनासाठी विठूरायाला साकडे घाला, असे आवाहन लोकनेते रामशेठ ठाकूर यांनी केले.