शाहू महाराज देशातील पहिले शिक्षणमहर्षी
ज्येष्ठ विचारवंत प्रा. डॉ. सोमनाथ कदम यांचे प्रतिपादन
कल्याण, ता. २९ (वार्ताहर) : देशात सक्तीचे आणि मोफत शिक्षण देणारे पहिले शिक्षण महर्षी म्हणजे राजर्षी छत्रपती शाहू महाराज होय, असे मत ज्येष्ठ विचारवंत प्रा. डॉ. सोमनाथ कदम यांनी व्यक्त केले. कल्याण-डोंबिवली महापालिका बहुजन कर्मचारी परिवर्तन संस्थेने राजर्षी छत्रपती शाहू महाराज यांच्या १५१ व्या जयंतीनिमित्त आचार्य अत्रे रंगमंदिरात कार्यक्रमाचे आयोजन केले होते. या वेळी ते बोलत होते.
प्रबोधन सत्रात कदम पुढे म्हणाले की, राजर्षी शाहू महाराज हे फक्त राजे नव्हे तर ते सामाजिक क्रांतीचे जनक आहेत. अशा या राजाचा जन्मदिवस सर्व बहुजन समाजाने सणासारखा साजरा केला पाहिजे. जाणीव ही भूमिका ज्यांनी ज्यांनी स्वीकारली, त्याच्यामध्ये आपण सगळेजण आहात. राजर्षी शाहू महाराजांच्या नावाचा केवळ उल्लेख, त्यांचे केवळ स्मरण नको, तर राजर्षी शाहू महाराजांच्या अनुषंगाने डॉ. बाबासाहेब यांनी आपल्याला उपदेश केलेला आहे.
कार्यक्रमाचे सूत्रसंचालन समाधान मोरे यांनी केले, तर आभार प्रदर्शन शिक्षण विस्तार अधिकारी विजय सरकटे यांनी केले. कार्यक्रमासाठी विचार मंचावर आमदार अशोक माने, कार्यक्रमाचे अध्यक्ष माजी महापौर डॉ. रमेश जाधव, उद्घाटक उपायुक्त संजय जाधव, संस्था अध्यक्ष चंद्रकांत पोळ, जयंती समिती अध्यक्ष संतोष हेरोडे, शिक्षण अधिकारी विजय सरकटे, ज्येष्ठ सामाजिक कार्यकर्ते अण्णा रोकडे, युवराज गाडे आदींसह इतर मान्यवर उपस्थित होते. या जयंतीनिमित्त आरोग्य शिबिर, मोफत डोळे तपासणी करण्यात आली.
विद्यार्थ्यांना साहित्यवाटप
कार्यक्रमाच्या प्रसंगी इयत्ता बारावी आणि दहावीत शिकत असणाऱ्या एकूण १२ विद्यार्थ्यांना या संस्थेने दत्तक घेत त्यांना राजर्षी छत्रपती शाहू महाराज दत्तक योजनेतील मुलांना मान्यवरांच्या हस्ते शालेय साहित्यवाटप केले. सांस्कृतिक कार्यक्रमात सतीश सोनवणे आणि डॉ. प्रतिभा वाघमारे प्रस्तुत महापुरुषांना संगीतमय मानवंदना देण्यासाठी दिग्गज कलावंतांची उपस्थिती होती. या कार्यक्रमासाठी नवनीत गायकवाड, भाऊराव पंडित, प्रवीण कांबळे, संजय ओंकारेश्वर, श्रीकांत वाघमारे राहुल वाघ, बाबासाहेब काकडे, बाळू शिंदे, सुनील अंबाडे, हरिचंद्र जाधव, सुनील चाटे, लक्ष्मण मोते, र्पौर्णिमा कांबळे, संजीवनी पाटकर, अनिता शिंदे, दीपक उज्जैनकर, संदीप गिरी, इत्यादींनी परिश्रम घेतले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.