कांदा-मुळा भाजी, अवघी विठाबाई माझी
कल्याण, ता. ५ (वार्ताहर) : छत्रपती शिक्षण मंडळाचे नूतन विद्यालयाचे उपक्रमशील कलाशिक्षक रांगोळीकार श्रीहरी पवळे यांनी नावीन्यपूर्ण रांगोळी काढण्याचा प्रयत्न केला आहे. महान संत संतश्रेष्ठ सावता माळी यांचा अभंग कांदा-मुळा भाजी, अवघी विठाबाई माझी या अभंगाचा आधार घेत विविध भाज्यांमधून रांगोळीच्या माध्यमातून श्री विठ्ठलाची प्रतिकृती साकारली आहे. आठ बाय साडेतीन फूट आकाराची यात एकूण चार किलो भाजी लागली. वेगवेगळ्या प्रकारच्या भाज्या अभंगाप्रमाणे वापरले आहेत, ही रांगोळी काढण्यासाठी चार तास वेळ लागला आहे, या अशा अनोख्या उपक्रमाचे कौतुक होत आहे.