पडघा (बातमीदार)ः आषाढी एकादशी निमित्त पडघा येथील शारदा विद्यालयाच्यावतीने दिंडी काढण्यात आली होती. वारकरी संप्रदायात आषाढी वारीला असलेले महत्त्व विद्यार्थ्यांना समजावे, हा या मागचा हेतु होता. याप्रसंगी वारीची परंपरा जपताना विद्यार्थ्यांनीं लेझीम पथकाच्या तालावर टाळ मृदंगाच्या गजरात पालखीतून विठुरायाचा गजर केला. पडघे गावातून निघालेल्या या दिंडी सोहळ्यात पारंपारिक वेशभूषेतील तुळशी वृंदावन घेतलेल्या विद्यार्थ्यीनीसह शिक्षक आणि विद्यार्थी सहभागी झाले होते.