भिवंडी, ता. ६ (वार्ताहर)ः महापालिका निवडणुकीच्या पार्श्वभूमीवर उमेदवार निवडीसाठी समाजवादी पक्षाची त्रिसदस्यीय समिती बनवण्यात आली आहे. याबाबतची घोषणा पक्षाचे प्रदेशाध्यक्ष आमदार अबू आसिम आजमी यांनी केली आहे.
भिवंडी शहरात समाजवादी पक्षाची मोठी ताकद आहे. त्यामुळे महापालिका जिंकण्याच्या दृष्टीने पक्षबांधणी करण्यात येणार आहे. त्यासाठी उमेदवार निवडीसाठी अकरा सदस्यीय समिती बनवण्यात येणार आहे. या समितीत रईस शेख, प्रदेश उपाध्यक्ष अजय यादव, अरफात शेख यांची निवड करण्यात आली आहे.
--------------------------------------
प्रेमाने मराठी शिकवा
महाराष्ट्रात मराठीचा सन्मान आहे. प्रत्येक राज्यात येथील मातृभाषेचा सन्मान केला पाहिजे; पण भाषेसाठी गुंडगिरी खपवून घेतली जाणार नाही. महाराष्ट्रात देशभरातून रोजगार व्यवसायासाठी लोक येतात. त्यांना तुम्ही प्रेमाने मराठी शिकवा, अशी प्रतिक्रिया अबू आजमी यांनी दिली आहे.