पालघर (बातमीदार) : जिल्ह्यात दोन दिवस दक्षतेचा इशारा (यलो अलर्ट) देण्यात आला होता; मात्र रविवारी (ता. ६) सायंकाळी हवामान विभागाने सोमवारी (ता. ७) अतिवृष्टीचा इशारा (रेड अलर्ट) जाहीर केल्याने मोठ्या पावसाची शक्‍यता होती. त्यामुळे जिल्हाधिकाऱ्यांनी रविवारी रात्री उशिरा सर्व शाळा, महाविद्यालयांना आज सुट्टी जाहीर केली होती; मात्र आज पावसाने दिवसभर उघडीप दिली, तर काही ठिकाणी रिमझिम पावसाच्या सरी कोसळत होत्या. ग्रामीण भागात मोठ्या प्रमाणात पाऊस कोसळला; मात्र शहरात दिवसभर पाऊस कोसळलाच नाही.