३१ मोतीबिंदू रुग्णांना मिळाली नवी दृष्टी
रोहा, ता. ८ (बातमीदार) ः येथे नेत्ररुग्ण तपासणी शिबिरात सोमवारी (ता. ७) ९७ रुग्णांची तपासणी करण्यात आली. त्यापैकी ३१ रुग्णांच्या मोतीबिंदूवर तातडीने आर झुनझुनवाला, शंकरा आय हॉस्पिटलमध्ये यशस्वी शस्त्रक्रिया करण्यात आल्या.
रोहा सिटीझन फोरम ट्रस्ट आणि आर झुनझुनवाला शंकरा आय हॉस्पिटल, नवीन पनवेल यांच्या संयुक्त विद्यमाने सोमवारी मोतीबिंदू शस्त्रक्रिया शिबिर घेण्यात आले. श्री धावीर मंदिर भक्तनिवासात झालेल्या या शिबिरात अल्पदरात चष्मे वाटप, मोफत नेत्रतपासणी व मोतीबिंदू शस्त्रक्रिया शिबिर पार पडले. शंकरा आय हॉस्पिटलचे टीम मॅनेजर प्रकाश पाटील, डॉ. श्रुती मोहन, प्रतीक्षा माने, नेहा कदम, कृतिका सांदणकर, सागर पाटील यांनी रुग्णांची तपासणी केली.
रोहा सिटिझन फोरम ट्रस्टचे अध्यक्ष नितीन परब, मिलिंद अष्टिवकर, श्रीकांत ओक, अहमद दर्जी, महेश सरदार, संदीप सरफळे, इलियास डबीर, संतोष खटावकर, दिनेश जाधव, शैलेश रावकर, बिलाल मोर्बेकर, परशुराम चव्हाण, अमोल देशमुख, प्रशांत देशमुख, नीलेश शिर्के, सिद्धेश ममाले, दिनेश मोहिते, समिधा अष्टिवकर, रिद्धी बोथरे, भावेश अग्रवाल आदी फोरमच्या सर्व सदस्यांनी शिबिर यशस्वी करण्यासाठी विशेष मेहनत घेतली. रोहा सिटीझन फोरम ट्रस्टचे अध्यक्ष नितीन परब यांनी सहयोगी संस्थांचे आणि शिबिरासाठी परिश्रम घेणाऱ्या सर्वांचे आभार व्यक्त केले.

फोटो कॅप्शन : शिबिराच्या माध्यमातून नेत्रतपासणी करताना डॉक्टर.