वाड्यात काळ्या फिती बांधून सरकारचा निषेध

वाडा, ता. ८ (बातमीदार) : मिरा-भाईंदर शहरात मराठी एकीकरण समिती व महाराष्ट्र नवनिर्माण सेनेकडून मंगळवारी (ता. ८) काढण्यात आलेल्या मोर्चाला पोलिसांनी परवानगी नाकारून कार्यकर्त्यांची धडपकड केली. याविरोधात वाड्यात मनसे व शिवसेना (ठाकरे गट) यांच्याकडून वाडा बसस्थानकासमोर जोरदार निदर्शने करण्यात आली. या वेळी कार्यकर्त्यांनी हाताला काळी फीत बांधून सरकारचा निषेध केला. या आंदोलनात मनसेचे तालुकाप्रमुख कांतीकुमार ठाकरे, शिवसेनेचे (ठाकरे गट) तालुकाप्रमुख नीलेश पाटील, दीपक ठाकरे, मधुर म्हात्रे, भरत गायकवाड, प्रमोद घोलप, उषा मोरे, कल्पना गोसावी, हेमंत जाधव, विकी काळे, संतोष भोमटे, कुणाल पाटील, महेश भगत, करण ठाणगे, ओमकार साळुंखे आदींसह मोठ्या संख्येने कार्यकर्ते सहभागी झाले.