ठाण्यात स्वयंपुनर्विकास कार्यशाळा
मुंबई, ता. ९ ः आंतरराष्ट्रीय सहकार वर्षाच्या निमित्ताने ठाणे जिल्हा हाउसिंग फेडरेशनच्या वतीने स्वयंपुनर्विकासासंबंधी माहिती देणाऱ्या कार्यशाळेचे आयोजन शनिवारी (ता. १२) करण्यात आले आहे.
ठाण्यातील मो. ह. विद्यालयाच्या सभागृहात संध्याकाळी चार वाजता व्हिडिओ सादरीकरणाच्या माध्यमातून विविध तज्ज्ञ मार्गदर्शन करतील. तरी स्वयंपुनर्विकास करू इच्छिणाऱ्या गृहनिर्माण संस्थांच्या सभासद, संचालक, पदाधिकाऱ्यांनी या कार्यशाळेत सहभागी व्हावे, असे आवाहन ठाणे जिल्हा हाउसिंग फेडरेशनचे अध्यक्ष सीताराम राणे यांनी केले आहे. या कार्यक्रमात भाजप विधान परिषद गटनेते, मुंबई बँकेचे अध्यक्ष आणि स्वयंपुनर्विकास समितीचे अध्यक्ष प्रवीण दरेकर हे मार्गदर्शन करतील. त्यांच्यासोबत आमदार संजय केळकर, आमदार ॲड. निरंजन डावखरे आणि ठाणे जिल्हा हाउसिंग फेडरेशनचे अध्यक्ष सीताराम राणे हेदेखील मार्गदर्शन करणार आहेत.