बुडणाऱ्या तरुणाला
जीवरक्षकाने वाचवले
मुंबई, ता. १० ः जुहू समुद्रकिनाऱ्यावर पाण्यात बुडणाऱ्या २० वर्षीय तरुणाला जीवरक्षकाने सुखरूप बाहेर काढले. ही घटना आज गुरुवारी (ता. १०) सायंकाळी पावणेपाचच्या सुमारास घडली. साहेब सिंग (वय २०) हा तरुण पोहत असताना अचानक पाण्याच्या प्रवाहात अडकला. या वेळी किनाऱ्यावर तैनात जीवरक्षकाने वेळीच धाव घेत त्यास किनाऱ्यावर आणले. त्याची प्रकृती स्थिर असून त्याला उपचारांची गरज नाही, असे अधिकाऱ्यांनी सांगितले. दरम्यान, समुद्रकिनाऱ्यावर गर्दी असताना सतत सतर्क राहून नागरिकांचे जीव वाचवणाऱ्या जीवरक्षकांचे नागरिकांकडून कौतुक होत आहे.