पायाभूत चाचणी परीक्षा ऑगस्टमध्ये
मुंबई, ता. १० ः समग्र शिक्षाच्या माध्यमातून नियतकालिक मूल्यांकन चाचणीअंतर्गत पायाभूत चाचणी २०२५-२६चे वेळापत्रक आज जाहीर करण्यात आले आहे. ही चाचणी ६ ते ८ ऑगस्टदरम्यान, तर संकलित मूल्यमापन चाचणी एक ऑक्टोबर किंवा नोव्हेंबमध्ये आणि चाचणी दोन ही एप्रिल २०२६ मध्ये घेण्यात येणार आहे.
पायाभूत चाचणीमध्ये इयत्ता दुसरी ते आठवीच्या विद्यार्थ्यांचा समावेश असून प्रथम भाषा, गणित आणि तृतीय भाषा (इंग्रजी) या विषयांवर आधारित असेल. ही परीक्षा राज्यातील सर्व सरकारी, स्थानिक स्वराज्य संस्था आणि अनुदानित खासगी शाळांमध्ये चाचणी घेतली जाणार आहे. विद्यार्थ्यांच्या अध्ययन क्षमतेचे मूल्यमापन करून शैक्षणिक सुधारणा करण्याचा या चाचणीचा उद्देश असून यामुळे पुढील नॅस (राष्ट्रीय मूल्यांकन सर्वेक्षण) मधील कामगिरी सुधारण्यासही मदत होणार आहे.