शालेय विद्यार्थिनींना सायकलवाटप
रोहा, ता. १२ (बातमीदार) ः राष्ट्रवादी काँग्रेस पक्षाचे प्रदेशाध्यक्ष सुनील तटकरे यांच्या वाढदिवसाचे औचित्य साधून मंत्री आदिती तटकरे व माजी आमदार अनिकेत तटकरे यांच्या हस्ते यंगस्टर्स फ्रेंड्स असोसिएशन व भारतीय जैन संघटनेच्या संयुक्त विद्यमाने शहर व ग्रामीण भागातील शालेय विद्यार्थ्यांना मोफत सायकलवाटप करण्यात आले.
रोहा शहरातील श्रीराम मारुती चौक येथे आयोजित छोटेखानी कार्यक्रम आयोजित करण्यात आला होता. या वेळी माजी नगराध्यक्ष संतोष पोटफोडे, शहर अध्यक्ष अमित उकडे, माजी उपनगराध्यक्ष मयूर दिवेकर, महेश कोलटकर, माजी उपनगराध्यक्ष राजू जैन, जैन संघटनेचे दिवेश जैन, सचिन जैन, भावेश जैन आदी उपस्थित होते.

फोटो ओळ : शालेय विद्यार्थिनींना आदिती तटकरे आणि अनिकेत तटकरे यांनी सायकलवाटप केले.