डोंबिवलीत २०० कार्यकर्त्यांचा ठाकरे गटात प्रवेश
डोंबिवली, ता. १२ : शिवसेना शिंदे गट, राष्ट्रवादी आणि काँग्रेसमधील २०० हून अधिक पदाधिकारी आणि कार्यकर्त्यांनी गुरुवारी (ता. १०) जिल्हाप्रमुख म्हात्रे यांच्या मार्गदर्शनाखाली ठाकरे गटात प्रवेश केला. याविषयी म्हात्रे म्हणाले, की हा शक्तीप्रवेश म्हणजे डोंबिवलीतील जनतेचा ठाकरे कुटुंबीयांच्या नेतृत्वावर असलेला विश्वास आहे. ही लाट भविष्यात आणखी प्रबळ होणार आहे. तसेच आगामी स्थानिक स्वराज्य संस्था निवडणुकांमध्ये पक्षाला मोठा फायदा होणार असल्याचा विश्वास त्यांनी व्यक्त केला.
शिंदे गटाचे कल्याण डोंबिवली वाहतूक सेना अध्यक्ष प्रवीण साळवी, ग्राहक संरक्षण कक्ष उपशहर संघटक कैलास दिनकर सणस, काँग्रेसचे शिबू शेख यांच्यासह सुमारे १५० ते २०० कार्यकर्त्यांनी शिवसेनेत प्रवेश केला.