रोटरी क्लब अलिबाग सिशोअरच्या अध्यक्षपदी अंकुश पाटील
अलिबाग (वार्ताहर) ः रोटरी क्लब, अलिबाग सिशोअरच्या अध्यक्षपदी अंकुश पाटील यांची निवड करण्यात आली. अलिबागमधील आरडीडीसीसी बॅंकेच्या सभागृहात शनिवारी (ता. १२) रोटरी क्लब अलिबाग सिशोअरचा इन्स्टाॅलेशन कार्यक्रम घेण्यात आला. मावळते अध्यक्ष दिलीपकुमार भड यांच्याकडून नवनियुक्त अध्यक्ष अंकुश पाटील यांनी सूत्रे स्वीकारली. त्याचप्रमाणे सचिवपदी सुधीर काटले यांची निवड करण्यात आली. या वेळी सहाय्यक प्रांतपाल संजय नारकर, विशेष वक्ते जिवन महालकर, विशेष प्रांतपाल प्रतिनिधी दीपक खोत, ॲड. अदिती वैद्य, रोहा रोटरी क्लबचे माजी अध्यक्ष विक्रम जैन यांच्यासह रोटरी व रोट्रक्ट पदाधिकारी, सदस्य उपस्थित होते. या वेळी नवनिर्वाचित अध्यक्ष अंकुश पाटील यांनी आगामी काळात वृक्षारोपण, अवयवदान, हॅप्पी स्कूल प्रोजेक्ट, शेतकऱ्यांसाठी लघू व जोडधंद्यासाठी सहकार्य व मार्गदर्शन, स्वच्छता मोहीम आणि वैद्यकीय शिबिरे असे विविध समाजोपयोगी प्रकल्प राबविणार असल्याचे सांगितले.