विरार (बातमीदार) : ज्येष्ठ गांधीवादी स्वातंत्र्यसैनिक, राज्याचे पहिले स्थानिक स्वराज्यमंत्री अण्णासाहेब वर्तक यांच्या ७२व्या पुण्यतिथीनिमित्त वसईतील वर्तक महाविद्यालयातील राजाणी सभागृहात उद्या सोमवारी (ता. १४) सकाळी ११ वाजता व्याख्यानमालेचे आयोजन करण्यात आले आहे. महाराष्ट्र व गोवा बार कौन्सिलचे माजी अध्यक्ष ज्येष्ठ विधिज्ञ ॲड. जयंतजी जायभावे हे प्रमुख वक्ते असणार असून ‘संविधान साक्षरतेशिवाय लोकशाहीचे सक्षमीकरण अशक्य’ या विषयावर मत मांडणार आहेत. वसई परिसरातील नागरिक, सामाजिक कार्यकर्ते, वकील, शिक्षक, विद्यार्थी, साहित्यिकांनी उपस्थित राहण्याचे आवाहन निमंत्रक विद्यावर्धिनी शिक्षण संस्थेचे अध्यक्ष विकास नरसिंह वर्तक यांनी केले आहे.