मालाड, ता. १४ (बातमीदार)ः मुंबई महापालिकेच्या कचरा संकलन करणाऱ्या गाड्यातून कर्मचाऱ्यांना लोंबकळत कर्तव्य बजवावे लागत आहे. कांदिवली पश्चिमेतील मथुरादास रोडवर पालिकेच्या आर दक्षिण विभागीय कार्यालयाच्या हाकेच्या अंतरावर हा प्रकार घडला आहे.
मुंबईतील कचरा संकलनासाठी कर्मचाऱ्यांना वाहनातून बाहेर यावे लागते. हा प्रकार टाळण्यासाठी अनेकदा कर्मचारी स्वतःची जीव धोक्यात घालून प्रवास करतात. गाडीवर लटकणाऱ्या कर्मचाऱ्यांनी समोरून येणाऱ्या वाहनाची धडक लागण्याची भीती असते तसेच हात किंवा पाय सटकला, तर गाडीच्या खाली सापडून जीव गमावण्याचा धोका अधिक आहे. त्यामुळे पालिकेच्या ज्या प्रभागातून प्रशासकीय कारभार हाकला जातो. त्याच प्रभागात पालिकेच्या कर्मचाऱ्यांना जीव धोक्यात घालून काम करावे लागत आहे.