Latest Marathi News Updates : पुढील एक तासात अंधेरी, गोरेगावसह कांदिवली पट्ट्यात मुसळधार पावसाची शक्यता; हवामान विभागाचा इशारा

हैदराबाद : केसीआर यांच्या नेतृत्वाखालील भारत राष्ट्र समिती (बीआरएस) मधून निलंबनानंतर दुसऱ्या दिवशी, बुधवारी पक्षाच्या ज्येष्ठ नेत्या के. कविता यांनी पक्षाच्या प्राथमिक सदस्यत्वाचा आणि विधान परिषदेच्या सदस्यत्वाचा राजीनामा दिल्याची घोषणा केली. पक्षाचे संस्थापक आणि तेलंगणचे माजी मुख्यमंत्री के. चंद्रशेखर राव (केसीआर) यांच्या कन्या असलेल्या कविता यांनी आपल्या वडिलांवर त्यांच्याविरुद्ध कारवाई करण्यासाठी दबाव असल्याचे सूचित केले. .पुढील १ तासात अंधेरी, गोरेगाव, कांदिवली पट्ट्यात मुसळधार पाऊस पडण्याची शक्यता हवामान विभागाने वर्तवली असून नागरिकांना सतर्क राहण्याचे आवाहन केले आहे..मुरगूड : महाराष्ट्र, कर्नाटक, आंध्र प्रदेश, गोवा व अन्य राज्यांतील भक्तांचे श्रद्धास्थान असलेल्या श्रीक्षेत्र आदमापूर (ता. भुदरगड) येथील संत सद्गुरू श्री बाळूमामा देवालयाचे ‘व्हीआयपी’ दर्शन बंद करण्याचा महत्त्वपूर्ण निर्णय देवालय ट्रस्टने घेतला आहे. बाळूमामांच्या समाधीचे पावित्र्य जपण्यासाठी गाभारा आणि त्यासमोरील विशेष दर्शन व्यवस्था आता बंद करण्यात आल्यामुळे सर्व भाविकांना समान लेखले जाणार आहे. या निर्णयामुळे सर्व भाविकांना रांगेतून थेट दर्शन, मुखदर्शन आणि पायरी दर्शन या तीन पर्यायांमधूनच दर्शन घ्यावे लागेल. .नागाव : गणेश विसर्जन मिरवणुकीतील वादात पाच जण जखमी झाले. यापैकी दोघांवर सत्तूरने वार झाले. जखमींमध्ये दोन महिलांचाही समावेश आहे. संतोष राजेश रणदिवे (वय ३५), गौतम हरिश्चंद्र चौगुले (३५, दोघेही रा. इंगळेकर कॉलनी, माळवाडी, पुलाची शिरोली, ता. हातकणंगले), मंगल रवींद्र कांबळे (४२), आरती आदेश कांबळे (२०) व आदेश रवींद्र कांबळे (वय २५, रा. माळवाडी, पुलाची शिरोली, ता. हातकणंगले) अशी जखमींची नावे आहेत. ही घटना काल रात्री बाराच्या सुमारास सावंत कॉलनी येथे घडली..बंगळूर : भीमा नदीच्या पट्ट्यात पुन्हा एकदा रक्तपात झाल्याचे वृत्त आहे. बुधवारी हल्लेखोरांनी विजापूर जिल्ह्यातील चडचण तालुक्यातील देवर निंबर्गी गावातील ग्रामपंचायत अध्यक्ष भिमानगौडा बिरादार (वय ४३) यांची भरदिवसा हत्या केली. दरम्यान, पोलिसांनी राजिउल्लाह मकंदर, वसीम मुनियार, फिरोज शेख आणि मौलाली लाडलेसाब या चार जणांना अटक केली आहे, असे जिल्हा पोलिस अधीक्षक लक्ष्मण निंबार्गी यांनी माध्यमांना सांगितले. हे सर्वजण देवर निंबार्गी गावातील आहेत..इचलकरंजी : इचलकरंजी महापालिका सार्वत्रिक निवडणुकीसाठी आज प्रारूप प्रभाग रचना जाहीर झाली नाही. तांत्रिक कारणास्तव या प्रक्रियेस विलंब झाल्याचे सांगण्यात आले. त्यामुळ अनेक दिवसांपासून प्रारूप प्रभाग रचनेच्या प्रतीक्षेत असलेल्या राजकीय नेतेमंडळींसह इच्छुक निराश झाले. आता उद्या (ता. ४) प्रारुप प्रभाग रचना जाहीर होणार आहे..सुकमा : छत्तीसगडमधील सुकमा जिल्ह्यात बुधवारी २० नक्षलवाद्यांनी पोलिसांसमोर शरणागती पत्करली. यापैकी ११ जणांवर मिळून ३३ लाख रुपयांचे बक्षीस ठेवण्यात आले होते.या नक्षलवाद्यांमध्ये नऊ महिला असून त्यात पीपल्स लिबरेशन गुरिला आर्मीची (पीएलजीए) एक कडवी सदस्यही आहे..Latest Marathi Live Updates 4 September 2025 : केंद्र सरकारने आज सामान्यांसाठी स्वस्ताईची ‘घट’मांडणी करताना वस्तू आणि सेवा करातील (जीएसटी) निर्णायक सुधारणांच्या अनुषंगाने महत्त्वाचे पाऊल टाकले. सामान्यांना मोठा दिलासा देण्यात आला असून डोक्याला लावायच्या तेलापासून ते मका, दूरचित्रवाणी संच, आरोग्य आणि आयुर्विमा यांच्यावरील ‘जीएसटी’ला कात्री लावण्यात आली आहे. तसेच मराठा आरक्षणाच्या संदर्भात राज्य सरकारने घेतलेल्या निर्णयांवरून इतर मागासवर्गीय समाजामध्ये (ओबीसी) निर्माण झालेला रोष लक्षात घेऊन राज्य सरकारने ओबीसींच्या सामाजिक, शैक्षणिक आणि आर्थिक प्रश्नांवर कार्यवाही करण्यासाठी राज्य मंत्रिमंडळाची उपसमिती गठीत केली आहे. महसूल मंत्री चंद्रशेखर बावनकुळे यांच्या अध्यक्षतेखाली गठीत करण्यात आलेल्या या समितीत आठ मंत्र्यांचा समावेश आहे. भीमा नदीच्या पट्ट्यात पुन्हा एकदा रक्तपात झाल्याचे वृत्त आहे. बुधवारी हल्लेखोरांनी विजापूर जिल्ह्यातील चडचण तालुक्यातील देवर निंबर्गी गावातील ग्रामपंचायत अध्यक्ष भिमानगौडा बिरादार (वय ४३) यांची भरदिवसा हत्या केली. महाराष्ट्र, कर्नाटक, आंध्र प्रदेश, गोवा व अन्य राज्यांतील भक्तांचे श्रद्धास्थान असलेल्या श्रीक्षेत्र आदमापूर (ता. भुदरगड) येथील संत सद्गुरू श्री बाळूमामा देवालयाचे ‘व्हीआयपी’ दर्शन बंद करण्याचा महत्त्वपूर्ण निर्णय देवालय ट्रस्टने घेतला आहे. छत्तीसगडमधील सुकमा जिल्ह्यात बुधवारी २० नक्षलवाद्यांनी पोलिसांसमोर शरणागती पत्करली. यापैकी ११ जणांवर मिळून ३३ लाख रुपयांचे बक्षीस ठेवण्यात आले होते. राजधानी दिल्लीसह जम्मू-काश्मीर, पंजाब, हरियाना, ओडिशा, हिमाचल प्रदेश, राजस्थान आणि गुजरात या राज्यांत बुधवारी मुसळधार पावसामुळे जनजीवन विस्कळित झाले असून, अनेक नद्यांच्या पाणीपातळीत वाढ झाली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर...सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Updates : पुढील एक तासात अंधेरी, गोरेगावसह कांदिवली पट्ट्यात मुसळधार पावसाची शक्यता; हवामान विभागाचा इशारा

ज्येष्ठ नेत्या के. कविता यांचा सदस्यत्वाचा राजीनामा