म्हाडाची गोरगरीबांसाठी लॉटरी!
अत्यल्पसाठी ४,८०२ घरे; अर्ज भरण्याची प्रक्रिया सुरू
सकाळ वृत्तसेवा
मुंबई, ता. १४ : सर्वसामान्यांच्या घराचे स्वप्न पूर्ण करणाऱ्या म्हाडाच्या कोकण मंडळाने तब्बल पाच हजार २८५ घरांची सोडत जाहीर केली आहे. त्यात सहा लाखांपर्यंत उत्पन्न असलेल्या अल्यल्प गटासाठी तब्बल चार हजार ८०२ घरे, तर ९ लाखांपर्यंत वार्षिक उत्पन्न असलेल्या अल्प उत्पन्न गटासाठी ४५५ घरे राखीव आहेत. या घरांसाठी ऑनलाइन अर्ज प्रक्रिया आजपासून सुरू झाली आहे.
म्हाडाच्या कोकण मंडळाने ठाणे आणि पालघर जिल्ह्यातील वसई येथील पाच हजार २८५ सदनिका आणि ओरोस (जि. सिंधुदुर्ग), कुळगाव-बदलापूर येथील ७७ भूखंड विक्रीकरिता सोडत जाहीर केली आहे. या सोडतीसाठी अर्ज नोंदणी व अर्ज भरणा प्रक्रियेचा प्रारंभ ‘गो-लाइव्ह’ कार्यक्रमांतर्गत आज म्हाडाचे उपाध्यक्ष तथा मुख्य कार्यकारी अधिकारी संजीव जयस्वाल यांच्या हस्ते झाला. वांद्रे पूर्व येथील म्हाडा मुख्यालयातील या कार्यक्रमाला मुंबई इमारत दुरुस्ती मंडळाचे मुख्य अधिकारी मिलिंद शंभरकर, मुंबई मंडळाचे मुख्य अधिकारी मिलिंद बोरीकर, मुख्य अभियंता सुनील नन्नावरे, कोकण मंडळाच्या मुख्य अधिकारी रेवती गायकर आदी उपस्थित होते.
----------
प्रलोभनांना बळी पडू नये : जयस्वाल
‘म्हाडा’च्या संगणकीय सोडतीच्या ‘आयएचएलएमएस २.०’ या संगणकीय सोडत प्रणालीमुळे मानवी हस्तक्षेपास वाव नाही.सोडत प्रक्रियेत सहभाग घेण्याकरिता म्हाडाच्या https://housing.mhada.gov.in या अधिकृत संकेतस्थळावरूनच सोडतीसाठी अर्ज करावा, असे आवाहन जयस्वाल यांनी केले. म्हाडाच्या सदनिकांचे वितरण हे केवळ संगणकीय सोडतीच्या माध्यमातूनच केले जाते. अन्य कोणत्याही मार्गाने ते होत नसल्याने कोणाच्याही प्रलोभनांना बळी न पडण्याचे आवाहन जयस्वाल यांनी केले.
-------
हेल्पलाईन
सोडतीसंदर्भात अर्ज भरताना अर्जदारांना येणाऱ्या अडचणीचे निराकरण करण्यासाठी मंडळातर्फे ०२२- ६९४६८१०० हा हेल्पलाईन क्रमांक उपलब्ध करून देण्यात आला आहे.
----------------------
प्रक्रिया अशी होणार
- ऑनलाईन अर्ज अंतिम मुदत - १३ ऑगस्ट रात्री ११.५९ वाजेपर्यंत
- अनामत रकमेचा भरणा मुदत : १४ ऑगस्ट २०२५ रात्री ११.५९ वाजेपर्यंत
- स्वीकृत अर्जांची प्रारूप यादी : २१ ऑगस्ट सायंकाळी ६ वाजता संकेतस्थळावर
- अंतिम यादी : १ सप्टेंबर सायंकाळी ६.०० वाजता संकेतस्थळावर
- सोडत : ३ सप्टेंबर सकाळी १० वाजता ठाणे येथील डॉ. काशीनाथ घाणेकर नाट्यगृह येथे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.