विशेष मुलांनी घेतले राखी बनवण्याचे प्रशिक्षण
नवीन पनवेल, ता. १७ (बातमीदार) : रक्षाबंधन सण अवघ्या काही दिवसांवर आला आहे. त्यासाठी आकर्षक आणि रंगसंगतींनी एकमेकांत गुंफलेल्या राख्या बनवून विद्यार्थ्यांनी सुंदर कलाकुसर केली. रोटरी क्लब ऑफ इंडस्ट्रियल टाऊन चॅरिटेबल ट्रस्ट संचालित राधाबाई खेमचंद परमार रोटरी कर्णबधिर मुलांच्या नवीन पनवेल येथील विशेष शाळेत राखी बनविण्याची कार्यशाळा नुकतीच झाली. इनरव्हील क्लबच्या सदस्या प्राजक्ता नेरकर यांनी प्रशिक्षण देत विद्यार्थ्यांकडून राख्या बनवून घेतल्या. ट्रस्टचे चेअरमन अरविंद सावळेकर, सचिव प्रमोद वालेकर, प्रभारी मुख्याध्यापिका शैला बंदसोडे यांच्यासह शिक्षक व कर्मचारी उपस्थित होते. दोरे, मणी आणि कागदी फुलांचा वापर करून विद्यार्थ्यांनीही राख्या बनवल्या.

फोटो ओळी
नवीन पनवेल : रोटरी कर्णबधिर मुलांच्या विशेष शाळेत विद्यार्थ्यांना राख्या बनविण्याचे प्रशिक्षण देण्यात आले.