खाडीकिनारी भराव टाकणाऱ्यांवर गुन्हा
सकाळ वृत्तसेवा
डोंबिवली, ता. १९ : देवीचापाडा येथील उल्हास खाडीकिनारी कांदळवन नष्ट करून बेकायदा बांधकामासाठी मातीचा भराव भूमाफियांनी टाकल्याचा प्रकार महसूल विभागाच्या अहवालात स्पष्ट झाला होता. याप्रकरणी अज्ञात भूमाफियांविरोधात डोंबिवलीतील विष्णूनगर पोलिस ठाण्यात गुन्हा दाखल केला आहे. डोंबिवली विभागाचे मंडळ अधिकारी रवींद्र जमदरे यांनी तहसीलदार सचिन शेजाळ यांच्या आदेशावरून हा गुन्हा दाखल केला आहे.
डोंबिवली पश्चिमेतील देवीचा पाडा येथे खाडीकिनारी मागील वर्षी भूमाफियांनी खारफुटीची झाडे तोडून मातीचा भराव टाकला होता. याविषयी पर्यावरणप्रेमींनी महसूल विभागाकडे तक्रारी केल्या होत्या. त्याची दखल घेत महसूल विभागाने या प्रकरणाची चौकशी सुरू केली होती. या गुन्ह्याचा तपास सुरू असतानाच भूमाफियांनी पावसाला सुरुवात झाल्यानंतर पुन्हा खाडीकिनारी बांधकाम सुरू केले होते. मातीचा भराव टाकून सपाटीकरण करण्यात येत होते. याविषयी पुन्हा पर्यावरणप्रेमींनी महसूल विभागाकडे तक्रार केली. यानंतर खडबडून यंत्रणा जागी झाली. उपविभागीय अधिकारी विश्वास गुजर, तहसीलदार सचिन शोजाळ यांच्या निर्देशावरून निवासी नायब तहसीलदार चव्हाण यांनी एक पर्यावरण संवर्धन पाहणी समिती स्थापन करत जागेची पाहणी केली. या समितीने दिलेल्या अहवालानुसार खाडीकिनारी भूमाफियांनी बेकायदा बांधकाम करण्यासाठी कांदळवन नष्ट करीत मातीचा भराव टाकला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.