धारावी, ता.१९(बातमीदार) : मध्य रेल्वेवरील सायन (शीव) स्थानकातील फलाट क्रमांक एकवरील प्रवाशांच्या सोयीसाठीची पिण्याच्या पाण्याची पाणपोईला नळच नसल्याने प्रवाशांची गैरसोय होत आहे. त्यामुळे प्रवासी वर्गात संताप आहे.
धारावीच्या दिशेने सायन स्थानकात प्रवेश करताना फलाट क्रमांक एकवर पिण्याच्या पाण्याची सोय करण्यात आली आहे. मात्र, गेली काही दिवसांपासून येथील पाणपोईचे नळ तुटलेले असल्याने प्रवाशांची गैरसोय होत आहे. तर अपंग प्रवाशांना देखील त्रास सहन करावा लागत आहे. महत्त्वाचे म्हणजे, स्थानकात स्वस्त, शुद्ध पाण्याची विक्री करण्याची सोय बंद आहे. त्यामुळे प्रवाशांना नाइलाजाने फलाटावरील खाद्य पदार्थांच्या स्टॉलवरून विकतचे पाणी घ्यावे लागत आहे.