कांदिवली (बातमीदार)ः मालाड कांदिवली प्रभागातील चारकोप मार्वे लिंक रोडवरील अस्मिता ज्योती बसथांब्यावरील जाहिरात फलकावर स्थानिक माजी खासदार गोपाळ शे‌ट्टी यांच्याबाबत आक्षेपार्ह विधान केले आहे. माजी नगरसेवक कमलेश यादव यांनी याप्रकरणी कडक कारवाईची मागणी मालवणी तसेच कांदिवली पोलिस ठाणे येथे तक्रार नोंदवून केली. माजी खासदार गोपाळ शेट्टी यांनी उत्तर मुंबई जिल्ह्याचे दहा वर्षांपेक्षा जास्त काळ प्रतिनिधित्व केले आहे. लोकोपयोगी कामे करून जनमानसांमध्ये त्यांची चांगली प्रतिमा तयार केली आहे. त्यामुळे त्यांच्याबद्दल अशा प्रकारे आक्षेपार्ह मजकूर लिहिणे गैर असून नियमित प्रवास करणाऱ्या प्रवाशांमध्ये चुकीचा संदेश जात असल्याचे तक्रारीत नमूद आहे.