कांदिवल, ता. २२ (बातमीदार)ः मुंबई पालिकेच्या पब्लिक स्कूल हिंदी शाळा क्रमांक १ च्या शाळेला पाणीपुरवठा करणारी वाहिनी जीर्ण झाल्याने गळती लागली आहे. यामुळे शाळा व्यवस्थापनावर पाण्यासाठी टॅंकरचा आधार घ्यावा लागत आहे.
मालाड पूर्वेला कुरारगावमधील मुंबई पब्लिक स्कूल हिंदी शाळा क्र.१ ला योग्य पाणीपुरवठा होत नाही. अत्यल्प पुरवठ्याबरोबर गढूळ पाणी येत असल्याने पिण्याच्या पाण्याची गैरसोय होत आहे. महिनाभरापासून टँकरने पाणीपाणीपुरवठा केला जात आहे. टँकरवाल्यांनाही वेळोवेळी फोन करूनही पाणीपुरवठा वेळेवर होत नाही. शाळेतील लहान मुलांना पिण्याच्या पाण्याची मोठी समस्या निर्माण झाली आहे. शाळेच्या वतीने पी/उत्तर पाणीपुरवठा विभागाला अनेकदा तक्रार करूनही कारवाई झालेली नाही. त्यामुळे शिक्षक, कर्मचाऱ्यांच्या पाण्याचा प्रश्न सोडवावा, अशी मागणी पालकवर्गाकडून केली जात आहे.