वाडा (बातमीदार) : पालघर येथे झालेल्या कार्यक्रमात वाडा तालुक्यातील विविध पदाधिकाऱ्यांना सोमवारी (ता. २१) नियुक्तीपत्र देण्यात आली. या वेळी अनुसूचित जमाती कल्याण समितीचे अध्यक्ष आमदार दौलत दरोडा, राष्ट्रवादीचे जिल्हाध्यक्ष आनंदभाई ठाकूर, महिला जिल्हाध्यक्षा रोहिणी शेलार, युवक जिल्हाध्यक्ष रोहित पाटील, वाडा तालुकाध्यक्ष जयेश शेलार, आदिवासी आघाडी तालुकाध्यक्ष भालचंद्र खोडके, शहापूर विधानसभा अध्यक्ष नाना साबळे यांसह जिल्ह्यातील विविध पदाधिकारी व कार्यकर्ते मोठ्या संख्येने उपस्थित होते. पद्माकर म्हात्रे, मिलिंद सुतार, अशोक नाईक, पवन पाटील, नंदकुमार वेखंडे, नितीन देसले, सुधीर विशे, गणेश सांबरे, भास्कर गावित, जयेश भुरकुंड, मोनिश काशीद यांची विविध पदांवर नियुक्ती करण्यात आली आहे.