बाराव्या मजल्यावरून पडून चार वर्षांच्या मुलीचा मृत्यू

नालासोपारा, ता. २२ (बातमीदार) : नायगावमध्ये १२व्या मजल्यावरून पडून एका चार वर्षांच्या मुलीचा मृत्यू झाला. पूर्वेतील नवकार फेस वन या १४ मजल्याच्या टॉवरमध्ये मंगळवारी (ता. २२) रात्री ८ वाजता ही घटना घडली. अनविका प्रजापती असे मुलीचे नाव असून ती नवकार सोसायटीत राहत होती. सायंकाळी याच सोसायटीच्या बी ३ मधील घरी ती गेली असता घराच्या समोरील गॅलरीत चप्पल स्टॅण्ड वर चढून खेळत असताना तिचा तोल गेला. तिला वसईतील महापालिकेच्या सर डी. एम. पेटिट रुग्णालयात दाखल केले असता डॉक्टरांनी तिला मृत घोषित केले.