फ्लाईंग राणी एक्स्प्रेसवर दगडफेक

नालासोपारा, ता. २२ (बातमीदार) फ्लाइंग राणी एक्स्प्रेसवर अज्ञात व्यक्तींनी दगडफेक केल्याची घटना मंगळवारी (ता. २२) घडली. विरारच्या नारंगी, वैतरणा यादरम्यान १२९२१ नंबरची फ्लाइंग राणी ही ट्रेन व्हीआर आउटर आणि नारिंगी एलसीदरम्यान जात असताना रात्री साडेसातच्या सुमारास ही घटना घडली. या घटनेत कोणतीही दुखापत झाली नाही; मात्र महिला कोचच्या काचा फुटल्या आहेत. ही दगडफेक का व कोणी केली हे समजू शकले नाही. याबाबत डहाणू वैतरणा प्रवासी सेवा हॅंडलवर याबाबतची माहिती दिली आहे. या दगडफेकीच्या घटनेमुळे रेल्वे प्रवाशामध्ये भीतीचे वातावरण पसरले आहे.