मुलुंड, ता. २३ (बातमीदार) : मुलुंड पूर्व द्रुतगती मार्गावरील भांडुप पंपिंग ते ऐरोली टोलनाका रस्त्यावर दोन्ही बाजूंनी मोठ्या प्रमाणात खड्डे पडले आहेत. त्यामुळे वाहनचालकांना विविध अडचणींचा सामना करावा लागत आहे.
या मार्गावरून शालेय बसही मोठ्या संख्येने धावतात. त्यामुळे मुलांच्या सुरक्षिततेचा प्रश्न गंभीर झाला आहे. तसेच, पूर्वी टोल घेतला जात असतानाही खड्डे बुजवले जात नव्हते. आता तर या रस्त्यांची अवस्था आणखीनच बिकट झाली आहे. त्यामुळे सामाजिक कार्यकर्ते ॲड. सागर देवरे यांनी पालिका, महाराष्ट्र राज्य रस्ते विकास महामंडळाकडे खड्डे बुजवण्याची मागणी केली आहे.