भिवंडी, ता. २३ (वार्ताहर) : शहरात मोठ्या प्रमाणावर हुक्का पार्लर सुरू आहे. पोलिस उपायुक्त शशिकांत बोराटे यांनी कारवाई करण्याचे आदेश दिल्यानंतर शहरातील टेमघर पाडा येथील हुक्का पार्लरवर शांतीनगर पोलिसांनी कारवाई केली आहे. टेमघरपाडा, जलवाहिनीच्या बाजूला असलेल्या हनुमान मंदिराजवळ हुक्का पार्लर सुरू होता. शांतीनगर पोलिस ठाण्यातील सहाय्यक पोलिस निरीक्षक सुरेश चोपडे यांच्या पथकाने सोमवारी रात्री नऊ वाजता कारवाई केली. हुक्का पार्लर चालक दिपेश धुळे यांच्या सूचनेनुसार कर्मचारी राजेश गंगाधर कोंडरेकला, हमीद अब्दुल करीम अन्सारी, आसिफ अहमद अन्सारी, फैजान वाजीद शेख हे हुक्का पिण्यासाठी ग्राहकांना पुरवित असल्याचे आढळून आले. पोलिसांनी या पाच जणांविरोधात शांतीनगर पोलिस ठाण्यात गुन्हा नोंद करण्यात आला आहे.