मुंबई : व्यवसाय शिक्षण व प्रशिक्षण संचालनाच्या अंतर्गत येणाऱ्या राज्यातील शासकीय आणि खासगी आयटीआयमधील दुसऱ्या फेरीची प्रवेश प्रक्रिया आज पूर्ण झाली.

यामध्ये उपलब्ध असलेल्या ४९ हजार ३४६ जागांपैकी केवळ अर्ध्याहून कमी असे एकूण २० हजार ३२८ विद्यार्थ्यांनी प्रवेश घेतले. तर, तब्बल २९ हजार ११८ जागा रिक्त राहिल्या आहेत. या जागांवरील प्रवेशाची तिसरी फेरी २८ जुलैपासून सुरू केली जाणार आहे.

दुसऱ्या फेरीदरम्यान २० एकूण ३२८ विद्यार्थ्यांनी प्रवेश घेतले, त्यात सर्वाधिक शासकीय १६ हजार ५२५ आणि खासगी संस्थांमध्ये तीन हजार ८०३ विद्यार्थ्यांचा समावेश आहे. दरम्यान, पहिल्या फेरीदरम्यान केवळ ४२ हजार १७६ विद्यार्थ्यांनी प्रवेश घेतला.