भाषावाद, प्रांतवादामागे राजकारण!
सकाळ वृत्तसेवा
डोंबिवली, ता. २३ : कल्याण येथील तरुणीला मारहाण प्रकरणाने राजकीय वातावरण तापले आहे. महाराष्ट्र प्रदेश काँग्रेस कमिटीचे नागरी विकास सेलचे अध्यक्ष नवीन सिंग यांनी राज्यात भाषिक व प्रांतवाद सुरू आहे, त्यामागे सत्ताधारी पक्षाचे राजकारण आहे. तो वेळीच रोखला पाहिजे. मुख्यमंत्री देवेंद्र फडणवीस आणि पोलिस प्रशासनाने हा वाद निर्माण करणाऱ्यांविरोधात कठोर कारवाई करावी, अशी मागणी केली आहे. आपण प्रथम भारतीय आहोत; मात्र आपण राहात असलेल्या राज्याची भाषा आपल्याला यायला पाहिजे, असे सिंग म्हणाले.