मुरबाड, ता. २४ (बातमीदार) : टोकावडे पोलिस ठाण्याचे वरिष्ठ निरीक्षक दिनकर चकोर यांची तडकाफडकी बदली करण्यात आली आहे. त्यांच्या जागी शीतलकुमार नाईक यांची नियुक्ती केली आहे. दिनकर चकोर यांनी वर्षभरापूर्वीच पदभार स्वीकारला होता.
अलीकडेच टोकावडे हद्दीतील आवळेची वाडी येथे झालेल्या गंभीर अपघातात एका आदिवासी युवकाचा मृत्यू झाला होता. त्यानंतर संतप्त जमाव आणि पोलिसांमध्ये संघर्ष झाला. यामध्ये पोलिसांच्या गाड्यांची तोडफोड झाली होती; तसेच काही पोलिस कर्मचाऱ्यांना मारहाण करून गंभीर जखमी केले होते. या प्रकरणात ५८ पुरुष व महिलांवर गुन्हे दाखल झाले होते. पोलिसांनी १३ महिलांसह एकूण २६ जणांना अटक केली होती. आरोप गंभीर असल्यामुळे अटक झालेल्यांना जामीन मिळणे कठीण झाले होते. या पार्श्वभूमीवरच चकोर यांची बदली झाल्याची चर्चा आहे.