कल्याणमध्ये ठेकेदार संघटनेच्या वतीने हर्षल पाटील यांना श्रद्धांजली
कल्याण, ता. २६ (वार्ताहर) ः जलजीवन मिशन योजनेचे काम करून ठेकेदार हर्षल पाटील यांना शासनाकडून कामाचे बिल मिळाले नाही. अखेर त्यांनी आत्महत्या केली. या घटनेचे पडसाद संपूर्ण महाराष्ट्रात उमटले आहेत.
कल्याण-डोंबिवली महानगरपालिका ठेकेदार संघटनेच्या वतीने महापालिकेच्या प्रवेशद्वारावर हर्षल पाटील यांना ठेकेदार संघटनेच्या वतीने श्रद्धांजली वाहण्यात आली. या वेळी विजय भोसले, संजय देवरे, रामचंद्र औटी, कालिदास कदम, देवीदास घरत, दर्शन देशमुख, अनंता पगार, तुषार जाधव, रवी गायकवाड, नीलेश पाटील आदी ठेकेदार उपस्थित होते.
या वेळी विजय भोसले यांनी म्हटले, की शासनाने संपूर्ण बिलाचे पैसे व तसेच त्यांच्या कुटुंबीयांना आर्थिक मदत केली पाहिजे. कल्याण-डोंबिवली महापालिकेतील अनेक ठेकेदारांची कोट्यवधी रुपयांची बिले बाकी आहेत. शेतकऱ्यांसारखी आमच्यावर आत्महत्येची वेळ नये, ही महापालिका प्रशासनाला विनंती आहे, असे त्यांनी सांगितले.