ठाण्यात दुकानातून
५२ मोबाईल लंपास
ठाणे, ता. २६ : वागळे इस्टेट परिसरातील शंकर मोबाईल अँड वॉच सेंटर या दुकानाचे शटर उचकटून चोरट्यांनी विविध कंपनीचे तब्बल ५२ मोबाईल फोन आणि रोख ७० हजार आणि दुकानातील सीसीटीव्ही कॅमेरे, डीव्हीआर असा सुमारे १२ लाखांचा मुद्देमाल लांबवल्याची घटना शनिवारी (ता. २६) उघडकीस आहे. याप्रकरणी गुन्हा दाखल करण्यात आल्याची माहिती श्रीनगर पोलिसांनी दिली.
अनिकेत उपाध्याय यांचे हे दुकान असून ते शुक्रवारी रात्री साडेअकरा वाजता दुकान बंद करून घरी गेले होते. शनिवारी सकाळी दहा वाजता दुकान उघडले असता हा प्रकार उघड झाला, अशी माहिती पोलिसांनी दिली.