दिव्यातील त्या बांधकामांच्या १४ नळजोडण्या खंडित
पाण्याचे १० पंप जप्त, ११ बोअरवेल बंद; पालिकेची कारवाई
सकाळ वृत्तसेवा
ठाणे, ता. २९ : ठाणे पालिकेने दिवा-शिळ भागातील अनधिकृत बांधकामांवर कारवाईचा बडगा उगारला आहे. त्यानंतर आता दिव्यातील त्या अनधिकृत बांधकामांच्या १४ नळजोडण्या खंडित करण्यात आल्या आहेत. ठाणे महापालिकेच्या पाणीपुरवठा विभागाने केलेल्या कारवाईत १० मोटर पंप जप्त करण्यात आले असून, ११ बोअरवेल बंद करण्यात आल्या आहेत. याप्रकरणी पालिकेकडून गुन्हे दाखल करण्याची कारवाईही करण्यात येत आहे.
अनधिकृत बांधकामांना पाणीपुरवठा दिला असल्यास त्याची कागदपत्रे तपासण्यात यावी तसेच बांधकाम अवैध असल्यास नळजोडणी तत्काळ खंडित करण्यात यावी. त्याचप्रमाणे पालिकेच्या जलवाहिनीवरून अवैधरीत्या नळजोडणी घेतली असल्यास तीही तातडीने खंडित करावी, असे निर्देशही पालिका आयुक्त सौरभ राव यांनी पाणीपुरवठा विभागास दिले आहेत.
पालिकेने दिलेल्या निर्देशाच्या अनुषंगाने दिवा प्रभाग समिती क्षेत्रात २५ आणि २६ जुलै रोजी अनधिकृत बांधकामांची नळजोडणी खंडित करण्याची विशेष मोहीम हाती घेण्यात आल्याची माहिती उपनगर अभियंता (पाणीपुरवठा विभाग) विनोद पवार यांनी दिली.
--------------------------------------
पाहणी करून बोअरवेल बंद
पालिकेने चालवलेल्या या मोहिमेत अर्धवट बांधकाम असलेल्या तसेच व्याप्त असलेल्या अनधिकृत बांधकामांची पाहणी करून तेथील नळजोडण्या खंडित करण्यात आल्या. पंपही जप्त करण्यात आले असून, काही ठिकाणी बोअरवेलही बंद करण्यात आल्याचे पवार यांनी सांगितले. दिवा प्रभाग समिती क्षेत्रात शिळ-महापे रोड परिसर, दातिवली रोड, शांतीनगर, मुनीर कम्पाउंड या भागांमध्ये ही कारवाई करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.