बेकायदा बांधकामावर पालिकेचा हातोडा
वाशी, ता. ३० (बातमीदार)ः बेलापूर सेक्टर-१९ येथील फणसपाडा, शहाबाज गावातील बेकायदा बांधकामाला नवी मुंबई पालिकेने नोटीस बजावली होती. तरीदेखील बांधकाम सुरूच ठेवल्याने अखेर अतिक्रमण विभागाने कारवाई केली.
नवी मुंबई महापालिका आयुक्त डॉ. कैलास शिंदे यांच्या निर्देशानुसार अतिक्रमण विभागाने ही कारवाई केली. बेलापूर सेक्टर-१९ येथील फणसपाडा येथे घर क्रमांक ०५७४ येथे नान्हे अब्दुल अन्सारव व शहाबाज गाव येथे घर क्रमांक ६७३/३ येथे अजामोद्दीन रझाक खान याने बेकायदा बांधकाम उभारले होते. याबांधकामास ‘अ‍’ विभाग बेलापूर कार्यालयामार्फत एमआरटीपी कलम ५४ अन्वये नोटीस बजावण्यात आली होती. तरीदेखील बांधकाम सुरू असल्याने अखेर निष्कासनाची कारवाई करण्यात आली आहे. या वेळी बेलापूर कार्यालयाचे सहाय्यक आयुक्त तथा विभाग अधिकारी डॉ. अमोल पालवे, सहाय्यक अंभियता आत्माराम काळे यांच्यासह मजूर १०, हॅमर २, गॅसकटर २ अशा साहित्याचा वापर करण्यात आला.