शहापूरमध्ये पॉक्सो कायदेविषयक जनजागृती
शहापूर (वार्ताहर) : बालकांविरोधातील लैंगिक अत्याचार रोखण्यासाठी आणि शालेय विद्यार्थ्यांमध्ये कायदेशीर साक्षरता निर्माण करण्यासाठी पॉक्सो कायद्यावर विशेष जनजागृती कार्यक्रम आटगाव विभाग हायस्कूलमध्ये घेण्यात आला. डॉ. पूर्णिमा सुर्वे यांनी कायद्याची माहिती अतिशय सहज समजण्यासारख्या भाषेत विद्यार्थ्यांना दिली. वाईट स्पर्श आणि प्रेमळ मायेचा स्पर्श कसा ओळखावा आणि कोणती दक्षता घ्यावी, याबाबत विद्यार्थ्यांना मार्गदर्शन करण्यात आले. तसेच विद्यार्थ्यांनी कायद्याचे मूलभूत ज्ञान घेऊन सामाजिक भान ठेवावे आणि स्वतःचा व इतरांचा सन्मान राखावा, असा संदेश या कार्यक्रमातून देण्यात आला. याप्रसंगी शाळेचे प्राचार्य वैभव गवाळे, गटशिक्षणाधिकारी रामचंद्र विशे, मोठ्या संख्येने विद्यार्थी उपस्थित होते.