जितेंद्र आव्हाड यांच्या वाढदिवसानिमित्ताने रक्तदान शिबीर संपन्न
कळवा, ता. ४ (बातमीदार) ः राष्ट्रवादी काँग्रेस शरद पवार पक्षाच्या युवती अध्यक्षा पूजा शिंदे व ब्लड लाइन रक्त पेढी यांच्या संयुक्त विद्यमाने आमदार जितेंद्र आव्हाड यांच्या वाढदिवसानिमित्ताने रक्तदान शिबिराचे आयोजन केले होते. कळवा येथील शरद पवार पक्ष कार्यालय, कावेरी सेतू येथे रविवार (ता. ३) केले. यावेळी कळवा खारेगाव परिसरातील तरुण-तरुणींनी मोठ्या संख्येने सहभाग घेतला. जवळपास १०० रक्तदात्यांनी या उपक्रमात आपला सहभाग नोंदवला. या सर्व रक्तदात्यांना पूजा शिंदे आणि राजू मित्र परिवाराच्या वतीने एक रोप देण्यात आले. या उपक्रमाला आमदार डॉ. जितेंद्र आव्हाड, प्रकाश पाटील तसेच संघर्ष महिला संघाच्या अध्यक्षा ऋता आव्हाड यांनी भेट दिली. यावेळी पक्षाचे कार्यकर्ते-पदाधिकारी उपस्थित होते.