यंदा विसर्जन व्यवस्था दीडपट अधिक क्षमतेने वाढवली
पालिका आयुक्त सौरभ राव
सकाळ वृत्तसेवा
ठाणे, ता. ५ : यंदाचा गणेशोत्सव निर्विघ्नपणे पार पडावा, यासाठी महापालिका आणि पोलिस प्रशासन सज्ज आहे. त्यानुसार मंडळांनी केलेल्या सूचनांचे पालन केले जाईल. विसर्जन घाटांवरील वाढती गर्दी लक्षात घेता, या ठिकाणी दोन शिफ्टमध्ये मनुष्यबळ उपलब्ध करून दिले जाणार असून, मागील वर्षीच्या तुलनेत यंदा विसर्जन व्यवस्था दीडपट अधिक क्षमतेने वाढविण्यात आली असल्याची माहिती महापालिका आयुक्त सौरभ राव यांनी या वेळी दिली.
यंदाचा गणेशोत्सव पर्यावरणपूरक साजरा व्हावा यासाठी पुढाकार घेतला आहे. त्यानुसार ठाणे महापालिकेच्या वतीने ठाण्यातील गणेशोत्सव मंडळांची बैठक कै. नरेंद्र बल्लाळ सभागृहात आयोजित केली होती. या बैठकीला सौरभ राव, अतिरिक्त आयुक्त प्रशांत रोडे, पोलिस उपायुक्त प्रशांत कदम, वाहतूक विभागाचे पोलिस उपायुक्त पंकज शिरसाट, महावितरण, टोरंट पॉवरचे प्रतिनिधी उपस्थित होते.
कोलशेत येथे पार्किंगची अतिरिक्त सुविधा उपलब्ध करून दिली जाईल. विजेचा प्रश्न सोडविण्यासाठी महावितरण आणि टोरंट पॉवरला सूचनाही त्यांनी या वेळी दिल्या. फिरती विसर्जन व्यवस्थादेखील वाढविण्यात आली असल्याचे त्यांनी या वेळी स्पष्ट केले. विसर्जन घाटावर सोयीसुविधा पुरविल्या जातील. क्रेनची व्यवस्था उपलब्ध करून देण्यात आली असल्याचेदेखील सौरभ राव यांनी या वेळी सांगितले. विसर्जनाच्या दिवशी रात्री उशिरा कर्मचारी उपलब्ध नसल्याने त्यांची कामे मंडळांच्या प्रतिनिधींना करावी लागत असल्याची माहिती सार्वजनिक गणेशोत्सव समन्वय समितीचे उपाध्यक्ष रवींद्र पालव यांनी व्यक्त केली. तर एक खिडकी योजना कार्यान्वित करताना ऑनलाइन अ‍ॅपच्या माध्यमातून मंडळाचा त्रास कमी करावा, अशी सूचनाही या वेळी करण्यात आली. दहीहंडी उत्सवात दिवसभर डीजे वाजविले जातात, मात्र गणपती विसर्जन मिरवणुकीत त्याला बंदी का, असा सवालही या वेळी गणेशोत्सव मंडळांकडून उपस्थित करण्यात आला.
मंडळांनी व्यक्त केली खंत
पारसिक येथील विसर्जन घाटावर आता २२ फुटांपेक्षा मोठ्या मूर्ती नेता येणार नसल्याची बाब समोर आली आहे. या ठिकाणी जाताना एका ठिकाणी एफओबी तयार झाल्याने येथून मोठ्या गणेशमूर्ती नेण्यात अडचणी येणार आहेत. त्यामुळे याचा भार हा कोलशेत येथील विसर्जन घाटावर वाढणार आहे. परंतु या ठिकाणीदेखील दोन जेट्टी तयार झाल्याने येथेदेखील विसर्जनाच्या वेळीस अडचणी निर्माण होणार असल्याची खंत गणेशोत्सव मंडळांनी व्यक्त केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.