अंतोरे अंगणवाडीत नवचेतना बाळ मेळावा उत्साहात
पेण, ता. ६ (वार्ताहर) : राज्याच्या एकात्मिक बालविकास सेवा योजनेच्या माध्यमातून अंगणवाडी क्षेत्रातील लहान मुलांची बौद्धिक क्षमता वाढविण्याच्या दृष्टिकोनातून नवचेतना बाल मेळाव्याचे आयोजन केले होते. त्या अनुषंगाने पेण तालुक्यातील अंतोरे अंगणवाडी एक व दोन येथे मंगळवारी (ता. ५) नवचेतना बालमेळावा उत्साहात झाला. या मेळाव्यात सहा महिने ते तीनवर्षीय मुलांच्या शारीरिक विकासासह त्यांच्या बौद्धिक विकासाला अधिक चालना देण्यासाठी यासह भाषा विकास, सकस आहार, लसीकरण याची वर्गात टेबलावर मांडणी केली आणि त्याची माहिती उपस्थित मातांना देण्यात आली. तर या वेळी मुलांच्या गमतीजमतीत चिठ्ठीचा खेळ खेळण्यात आला. या कार्यक्रमाला प्राथमिक शाळेचे मुख्याध्यापक प्रवीण बैकर, उपशिक्षक राजेंद्र पाटील, ग्रामस्थ चंद्रकांत कोळी, बाळकृष्ण लांगी, ग्रामसेविका सुप्रिया जाधव, अंगणवाडी सेविका संजीवनी पाटील, प्रमिला पाटील, नवघर अंगणवाडी सेविका पूनम पाटील, मदतनीस मानसी कांबळे, प्रणाली रणपिसे, आशा सेविका कार्तिकी पाटील, वैशाली कोळी आदींसह नागरिक उपस्थित होते.