खारघर सेंट्रल पार्कमध्ये वृक्षारोपण कार्यक्रम
खारघर, ता.६ (बातमीदार) : आमदार प्रशांत ठाकूर यांच्या वाढदिवसानिमित्त अटल फाउंडेशन व जागृत फाउंडेशन यांच्या संयुक्त विद्यमाने सेंट्रल पार्कमध्ये रोप लागवड करण्यात आले. अटल फाउंडेशनचे अध्यक्ष ब्रिजेश पटेल म्हणाले, सेंट्रल पार्कमध्ये पर्यटकांची मोठ्या प्रमाणात गर्दी असते. यामध्ये सावली देणारे देशी झाडांची रोप लागवड करण्यात आली असून त्यांचे संवर्धन केले जाणार आहे. पर्यावरणाचे संरक्षण करणे आणि जास्तीत जास्त रोप लागवड करणे आवश्यक असल्यामुळे विविध प्रकारची अनेक रोप लागवड करण्यात आले. यावेळी जागृत फाउंडेशनचे अध्यक्ष ज्ञानेश्वर खरपुरिया, सचिव शिवम सिंह, जंदरभान, ललित चौधरी, रंजन शर्मा, शैलेश पटेल, दिलीप पटेल यांच्यासह फाउंडेशनचे सदस्य मोठ्या प्रमाणात सहभागी झाले होते.