अल्पवयीन मुलीवर अत्याचार

उल्हासनगर, ता. ६ (वार्ताहर) : एका १३ वर्षीय मुलगी गर्भवती होण्याची आणि तिने मृत अपत्याला जन्म देण्याची धक्कादायक घटना समोर आली आहे. या घटनेनंतर मृत अर्भक गुपचूप जमिनीत दफन केल्याची बाब नुकतीच उघडकीस आली आहे. पोलिसांना दफन केलेले अर्भक बाहेर काढून डीएनए तपासणीसाठी पाठवले. याप्रकरणी विठ्ठलवाडी पोलिसांनी या मुलीच्या नातेवाइकाला अटक केली आहे. विठ्ठलवाडी पोलिसांनी रुग्णालयातून प्राप्त झालेल्या माहितीच्या आधारे ही कारवाई केली. या घटनेनंतर पोलिसांनी तातडीने कारवाई करत संबंधित आरोपीविरुद्ध पोक्सो कायदा आणि भारतीय दंड संहितेतील बलात्कार, लैंगिक अत्याचार, गुन्हा लपवणे आदी कलमांनुसार गुन्हा दाखल केला असून, त्याला अटक करण्यात आली आहे.