कापूरबावडीत मारहाणीच्या दोन घटना

ठाणे, ता. ६ : जुन्या भांडणाचा राग मनात धरून मारहाणीच्या दोन घटना कापूरबावडी पोलिस ठाण्यात दाखल झालेल्या आहेत. पहिली घटना मनोरम नगर संजय मेडिकल स्टोअर्सजवळ घडली. याप्रकरणी सहा जणांवर गुन्हा दाखल झाला असून दुसरी घटना मनोरमनगर येथे प्रिन्स मेडिकलजवळ मोरया क्लॉथ सेंटर येथे घडली. याप्रकरणी आठ जणांविरोधात गुन्हा दाखल झाला आहे. सोमवारी (ता. ४) रात्री साडेआठ वाजण्याच्या सुमारास तक्रारदार जितलाल पाल हा आपल्या घराकडे येत असताना उमाकांत यादव याने सहा महिन्यांपूर्वी झालेल्या भांडणाचा राग मनात धरून जितलाल पाल याला शिवीगाळ करून लोखंडी रॉडने डोक्यावर प्रहार करून जखमी केले. तसेच राजमणी यादव याने डाव्या डोळ्यावर ठोश्याबुक्क्याने मारहाण केली. तर परस्पर गुन्ह्यात तक्रारदार उमाकांत राजमणी याने जितलाल पाल याने शिवीगाळ केली. त्याचा जाब विचारला असता त्याने अंगावर धावून मारण्यासाठी आला. त्याने मारहाण केल्यानंतर तक्रारदाराला अडविण्यासाठी आलेल्या लोकांनाही मारहाण करण्यात आल्याचे नमूद करण्यात आले.