देशभक्तीच्या वस्तूची बाजारात मागणी
खादीचे कपडे, वुलनचे जॅकेट, टी शर्ट, दुपटटा, खादीच्या टोपीनी मागणी
वाशी, ता. ११ (बातमीदार) ः स्वातंत्र्यदिनाच्या पार्श्र्वभूमीवर बाजारपेठा सध्या सजल्या आहे. नवी मुंबई महानगरपालिका क्षेत्रातील सिग्नल, एपीएमसी मार्केट, पालिकेच्या आठही नोडमधील दुकांनामध्ये झेंडे, टी-शर्ट, दुपट्टा, कुर्ती, खादीचे कपडे विक्रीसाठी ठेवले आहे. दुकांनामध्ये देखील आकर्षक अशी तिरंग्याच्याची सजावट केलेली आहे. तर, अनेकांनी खादीचे कपडे, वुलनचे जॅकेट, टी-शर्ट घेण्याकडे कल असल्याचे दुकानदारांनी सांगितले.
पुर्वी केवळ शासकीय कार्यालये, सहकारी संस्था, शाळा, महाविद्यालये, काही निवड वर्गातील आस्थापना यांनाच राष्ट्रध्वज फडकवण्याची परवानगी होती. मात्र, मागील दहा वर्षापासून कोणत्याही नागरिकांस राष्ट्रध्वज लावण्याची परवानगी दिल्याने तिरंग्याच्या विक्रीत वाढ झाली. यंदा तिरंग्याबरोबरच खादीचे कपडे, वुलनचे जॅकटे, टोपी यांना गतवर्षीच्या तुलनेत अधिक मागणी वाढली आहे. प्लॅस्टिकवर बंदी असल्यामुळे कागदी झेंडे पुन्हा बाजारात दाखल झाल्याचे चित्र आहे. लहान मुलांसाठी मोठ्या प्रमाणात स्वतंत्र दिनासाठी टी-शर्ट, कुर्ता आणि मुली तिरंग्याच्या कलरची ओढणी खरेदी करत आहे, असे विक्रेत्यांनी सांगितले.