मुख्यमंत्री जेएनपीएत संवाद साधणार
ग्रीन आणि डिजिटल मेरिटाइम कॉरिडॉरवर उपस्थिती
उरण, ता. ११ (वार्ताहर) : महाराष्ट्राचे मुख्यमंत्री देवेंद्र फडणवीस हे मंगळवार (ता. १२) रोजी जेएनपीएत ग्रीन आणि डिजिटल मेरिटाइम कॉरिडॉरवर संवाद साधणार आहेत. या वेळी सिंगापूरचे उपपंतप्रधान गण किम योंग, केंद्रीय बंदरे, नौकानयन आणि परिवहनमंत्री सर्वानंद सोनोवाल हे उपस्थित राहणार आहेत. दुपारी २ वाजता मान्यवरांचे जेएनपीएत न्यू बिझनेस आणि फॅकिल्शन बिल्डिंग येथे आगमन होणार आहे. या वेळी उपस्थित मान्यवर जेएनपीएतील ग्रीन आणि डिजिटल मेरिटाइम कॉरिडॉरवर मार्गदर्शन करतील. तत्पूर्वी सागरी कॉरिडॉरमधील उपलब्धी आणि सुधारणा यावर सादरीकरण त्यानंतर आंतराष्ट्रीय सहकार्य बळकट करण्यासाठी शाश्वत सागरी अर्थिक कॉरिडॉर तयार करण्याबाबत केंद्रीय मंत्री सर्वानंद सोनोवाल हेदेखील संवाद साधणार आहेत.